Andam ang Cagayan de Oro Federation of Transport Associations o CAFETADA nga mopabor sa Green GSM kung kompleto ang mga dokumento niini ug Pinoy na ang operator.
Apan matod ni CAFETADA President Bernie Jamaca, magpabilin silang mobarog sa ilang posisyon nga adunay giingong paglapas sa balaod tungod sa langyaw ang operator ug walay Pinoy nga nagdumala sa pag operate sa Green GSM Taxi.
Matod pa ni Jamaca, kinahanglan nga masunod ang 40 porsyentong foreign ownership ug 60 porsyento nga Filipino ownership, base sa ilang pagsabot sa mga lagda sa foreign investment.
Gusto usab ni Jamaca nga mga Pilipino, ilabina ang mga Kagay-anon ug taga-Northern Mindanao, ang makahatag og serbisyo ug maka-operate sa mga modern taxi sa siyudad.
