Padayon ang Lokal nga Panggamhanan sa Maragusan, Davao de Oro sa paghatag og nagkalain-laing serbisyo ug programa ngadto sa mga residente pinaagi sa serbisyo caravan sa nagkalain-laing barangay.
Kinia ang mensahe ni Maragusan Mayor Cesar Clarion Colina Sr. Atol sa CAA Cares nga gipahigayon niadtong Oktubre 2, 2026 sa Poblacion, New Bataan, sa pakighinabi sa Juander Radyo News Team.
Sumala ni Mayor Colina, padayon ug walay hunong ang serbisyo panglawas sa lungsod, diin matag semana, ilabina kada Huwebes, gipahigayon ang mga serbisyong panglawas sa nagkalain-laing barangay sa Maragusan.
Tumong sa maong programa nga mapaduol ang serbisyo panglawas ug uban pang programa sa lokal nga panggamhanan ngadto mismo sa mga residente aron mas daghan pa ang makabenepisyo.
