Giablihan na ang Community-Based Drug Rehabilitation Program sa Barangay Cabuaya, Mati City, nga gitambongan sa 14 ka Persons Who Use Drugs o PWUDs.
Gipangunahan ni CADAC Action Office Ret. PCOL Danilo Mendoza ang programa kauban ang mga opisyal sa barangay, Mati City Police Station ug Philippine Drug Enforcement Agency o PDEA.
Gipasiugda ni Mendoza ang importansya sa programa aron mapadayon ang drug-cleared status sa Barangay Cabuaya, lakip ang pag andam ug livelihood assistance nga mamahimong makatabang sa mga kanhing PWUDS.
Gihisgutan usab sa PNP ug PDEA ang mga isyu sa kaluwasan, anti-bullying, mga risgo sa ilegal nga droga ug ang mga silot ubos sa Republic Act 9165 kun Comprehensive Dangerous Drugs Act. Tumong sa programa nga matabangan ang mga benepisyaryo sa ilang pagbalik sa normal nga panginabuhi ug mapalig-on ang paningkamot sa komunidad batok sa ilegal nga droga.
Photo courtesy: Barangay Cabuaya
