Nabalaka ang kabanay sa 30-anyos nga Pilipinong doktor human kini mawala atol sa miigo ang kusog nga baha ug landslide sa utlanan sa Nepal ug Tibet niadtong Agosto 26, 2026.
Nasuta nga Kataposang nakigkontak si Dr. Juan Carlos Manalo sa iyang pamilya niadtong Agosto 25, pipila ka oras sa wala pa sila makadawat og balita bahin sa flash flood sa lugar.
Miabot si Manalo sa Nepal sa unang semana sa Agosto aron moapil sa Kailashyatra pilgrimage tour padulong sa Mount Kailash ug Lake Manasarovar.
Nangayo na og tabang ang iyang pamilya sa Philippine Embassy sa New Delhi ug sa pilgrimage group aron masubay ang iyang kahimtang. Apan hangtod karon, wala pa makumpirma kung naluwas ba siya.
Samtang, 472 na ka lawas ang narekober, samtang kapin 1,400 ka tawo ang gikatahong missing tungod sa makusog nga baha ug landslide sa Nepal ug Tibet.
Photo Courtesy: Jev Patalinghug
