Gikatahong naapil ang usa ka Pilipino sa kapin 1,000 ka tawo nga missing human sa kalit nga pagbaha ug landslide sa utlanan sa Nepal ug Tibet.
Subay sa datos sa Nepal Tourism Board, usa siya sa mga biyahero nga wala pa makit-i, apan wala pa kini makumpirma sa gobyerno sa Pilipinas.
Nakigkoordinar na karon ang DFA ug OWWA sa mga awtoridad sa Nepal aron masuta ang kahimtang sa mga Pilipino sa nahisgutang lugar. Sa dugang datos NTB, gibana-banang anaa sa 128 ka Pilipino ang naa sa Nepal, lakip ang 18 ka overseas workers.
Kahinomdoman, nga gatusan ang kumpirmadong namatay, samtang nagpadayon ang rescue operations alang sa mga tawo nga wala pa makit-i hangtod karon.
Photo Courtesy: NPR
