Gipangitaan og solusyon sa Lokal nga Kagamhanan sa Iligan City, uban ang Sangguniang Panlungsod, aron mahatagan og aksyon ang padayon nga pagsaka sa presyo sa kuryente sa siyudad.
Kabahin sa ilang lakang ang pagrepaso ug pag-imbestigar sa power-supply arrangements tali sa Power Sector Assets and Liabilities Management Corporation (PSALM) ug Iligan Light and Power, Inc. (ILPI), lakip na ang pagtan-aw sa epekto sa Wholesale Electricity Spot Market (WESM) sa bayranan sa mga konsumidor.
Gipadayag sa lokal nga kagamhanan ang panginahanglan nga masuta kung unsa ang mga hinungdan sa pagtaas sa power rates ug kung unsaon pagpagaan sa epekto niini sa mga panimalay ug negosyo sa Iligan.
Tungod niini, gigamit sa LGU Iligan ang nagkadaiyang legal ug institutional channels pinaagi sa koordinasyon sa Energy Regulatory Commission (ERC), PSALM, Kongreso, ug uban pang mga concerned government agencies.
Tumong sa lokal nga kagamhanan nga maseguro ang usa ka mas patas, transparent, kasaligan ug makatarunganong presyo sa kuryente alang sa mga Iliganon.
Photo Courtesy: Politiko Mindanao
