Gipakusgan sa Digos City Police Station ang police visibility ug seguridad sa mga eskwelahan sa siyudad aron mapalig-on ang proteksyon sa mga estudyante, magtutudlo ug school personnel.
Matud ni PLtCol Norman Yparraguirre, Chief of Police sa Digos City Police Station, padayon silang nagpahigayon og mga lakang aron malikayan ang susamang insidente nga nahitabo sa ubang lugar.
Giklaro ni PLtCol Yparraguirre nga walay piniling eskwelahan sa ilang pagbisita ug koordinasyon, aron mapalig-on ang seguridad sulod ug palibot sa mga tunghaan.
Gipunting usab sa kapulisan ang pagpahigayon og drills aron mahatagan ang mga estudyante og batakang kahibalo ug kahanas sa hustong pagtubag panahon sa emerhensiya.
Gipasalig sa Digos City Police Station ang padayong police visibility, pagpangandam ug aktibong pagbantay aron mapanalipdan ang tibuok komunidad sa mga eskwelahan sa Digos City.
