Nakasakmit og medalya ang mga Pilipinong speedcubers nga sila Juan Miguel “Uno” Magallanes ug Brenton Angelo Lo Wong sa Malaysia National Speed Cubing Open sa Kuala Lumpur.
Nanguna ang 12-anyos nga si Magallanes sa 2×2 category, samtang nakakuha usab siya og ikaduhang puwesto sa 3×3 ug One-Handed categories. Nakuha usab nila Magallanes ug Wong ang bulawang medalya sa relay kauban ang Malaysian speedcuber nga si Tee Kai Yang.
Samtang, nakakuha usab og ikatulong puwesto si Wong sa 3×3 category. Gilauman sa duha nga ilang kadaugan makadasig sa mas daghang kabatan-onang Pilipino nga mosulod sa speedcubing ug makigkompetensya sa internasyonal nga mga torneyo.
Photo Courtesy: Sports Corner PH
