Nakumpleto na sang Department of Public Works and Highways ukon DPWH–Sultan Kudarat 2nd District Engineering Office ang konstruksyon sang isa ka classroom building sa Kuden National High School sa Barangay Kuden, Senator Ninoy Aquino, Sultan Kudarat.
Ang nasambit nga proyekto may tatlo ka bag-o nga classroom nga makabenepisyo sa tubtob 150 ka mga estudyante kun sa diin magahatag sang mas luwas, malig-on kag komportable nga palibot para sa mga estudyante kag mga manunudlo.
Kabahin ang proyekto sa mga tikang sang gobyerno sa pagpalig-on sang mga imprastruktura sa edukasyon, suno sa direktiba ni Presidente Ferdinand R. Marcos Jr.
Ginalauman man sa gihapon nga mapaayo ang learning environment kag masiguro nga ang mga estudyante may nagakaigo nga espasyo para sa pagtuon pinaagi sa nasambit nga proyekto.
Ang pagkumpleto sang classroom building nagatutok sa pagpauswag sang mga pasilidad sa edukasyon sa mga komunidad nga nagakinahanglan sang dugang nga classroom.
Photo Courtesy: DPWH Region Xll Soccsksargen
