Nakakuha ang NASA og talagsaong hulagway sa HH 30, usa ka bata pa kaayong star system nga nahimutang sa Taurus Molecular Cloud. Pinaagi sa James Webb Space Telescope, nakita ang protostar nga padayon pang nagatubo samtang nagkuha og gas ug abog gikan sa materyales nga naglibot niini.
Nakita usab ang dakong disk palibot sa protostar, lakip ang kusog nga jets ug winds nga nagpagawas og materyales ngadto sa kawanangan. Sumala sa mga siyentista, posibleng gikan niini nga disk maporma ang mga planeta sa umaabot.
Gibanabana nga mga 500,000 ka tuig pa lamang ang edad sa maong protostar. Gitun-an sa mga siyentista ang HH 30 aron mas masabtan kung unsa usab kaha ang kahimtang sa atong Solar System bilyon-bilyong tuig na ang milabay.
Photo Courtesy: Orbital Insights
