Andam na ang lokal nga kagamhanan sa dakbayan sa Mandaue alang sa Memorandum of Agreement (MOA) uban sa Cebu Technological University (CTU), nga gituki atol sa session sa Sangguniang Panlungsod.
Kabahin sa kasabutan ang plano sa CTU nga magtukod og Mandaue City Campus tupad sa building sa Mandaue City College (MCC).
Gilauman sa lokal nga kagamhanan nga makatampo ang bag-ong campus sa pagpalambo sa edukasyon ug paghatag og dugang oportunidad sa mga estudyante sa dakbayan.
Sumala ni Mandaue City Councilor Carlo Fortuna, ilang sigurohon nga ang mga kurso nga itanyag sa CTU mobagay sa mga programa sa MCC aron malikayan ang kompetisyon tali sa duha ka institusyon.
Photo courtesy:Cebu Daily News
