Gihingusgan ang importansya sa hustong pag-atiman sa mga rubber plantation batok sa nagkalain-laing pests ug diseases nga mahimong makaapekto sa produksyon sa rubber. Ang maong topiko gipresentar isip kabahin sa pagpaambit og teknikal nga kahibalo ngadto sa mga rubber farmers.
Gipatin-aw ni Dr. Marry Joy P. Flores, Chief Science Research Specialist, ug Debie L. Carino, Science Research Specialist II, ang mga kasagarang peste ug sakit nga mahimong moatake sa rubber trees, lakip na ang mga sintomas nga angay bantayan sa mga mag-uuma.
Gihatagan og gibug-aton ang regular nga pag-monitor sa mga kahoy aron sayo nga makit-an ang mga timailhan sa infestation o sakit. Importante usab ang husto nga sanitation sa plantation ug paglikay sa mga kondisyon nga mahimong makapalapad sa peste ug sakit.
Gidasig ang mga rubber growers nga mokonsulta sa mga agricultural technicians ug research specialists kung makamatikod og abnormal nga kahimtang sa ilang mga tanom. Ang tukmang pag-ila sa peste o sakit importante aron ang hustong intervention mahimong magamit.
Pinaagi sa padayong information campaign ug technical assistance, gilauman nga mas mapalambo ang kahibalo sa mga rubber farmers ug mapanalipdan ang ilang mga tanom batok sa mga hulga sa produksiyon. Ang maong mga lakang makatabang sa pagmintinar sa kalidad ug produktibidad sa rubber industry.
