Gipahinumdoman sa Philippine Crop Insurance Corporation (PCIC) Region 9 ang mga livestock raiser nga ang ilang mga baboy mahimong ipa-insure isip fattener kon moabot na kini sa 45 ka adlaw gikan sa pagkahimugso.
Kini ang gipadayag ni Isagani Templanza III Officer in Charge sa Marketing and Sales Division atol sa pakighinabi sa Juander Radyo News Team niining bag-o.
Segun ni Templanza, ang mga na-insured nga fattener nga baboy og mamatay makadawat sa maximum nga P10,000 ang tag-iya, samtang kong ang breeder ang mamatay mahimong makadawat usab ug P14,000.
Pinaagi sa livestock insurance, adunay proteksyon ang mga raiser batok sa mga risgo nga mahimong hinungdan sa pagkamatay sa ilang mga hayop, subay sa mga kondisyon ug sakop sa insurance coverage.
Gidasig sa usab niya ang mga livestock raiser nga magpa-insure sa hustong panahon aron mapahimuslan ang proteksyon nga gitanyag sa programa sa PCIC Region 9.
