Nadakpan sa kapulisan ang usa ka drug suspect human kini positibong napalitan ug iligal nga drugang shabu sa nagpakaaron ingnong buyer sa gipahigayon nga drug buy bust operation sa Brgy. Dawo, Dapitan City, Zamboanga Del Norte niadtong Hulyo 15 ning tuiga.
Giila ang dinakpan nga si alyas Negro, 20 anyos, residente sa Purok Malinawon, Brgy. Cawa-cawa, ug nalista isip street level individual, kinsa nasakmitan sa duha ka gramos sa shabu nga mokantidad sa Php13,600.00 lakip na buy bust money ug mga non-drug items.
Gilusad ang maong operasyon pinangunahan sa Dapitan City Police Station kauban ang uban pang mga police units.
Tingkagol sa selda sa Dapitan CPS ang dinakpan alang sa tukmang disposisyon, samtang ang mga narecover nga mga ebidensya, giturnover sa Zamboanga del Norte Provincial Forensic Unit alang sa eksaminasyon.
Photo Courtesy: Dapitan CPS
