Gikondena sa North Korea ang umaabot nga joint military exercises sa Estados Unidos ug South Korea, nga giingon sa Pyongyang nga mas makatintal kung itandi sa gihimo niadtong miaging tuig.
Sumala sa state media sa North Korea, gipasanginlan sa Pyongyang ang nagkaduol nga military cooperation sa Estados Unidos, Japan ug South Korea nga padulong na sa usa ka “nuclear alliance.”
Nagpasidaan usab ang North Korea nga tubagon niini ang giingong bag-ong lebel sa hulga pinaagi sa pagpalig-on sa iyang nuclear deterrence o kapasidad sa paglikay sa pag-atake pinaagi sa hulga sa nuclear retaliation.
Gipasanginlan usab sa Pyongyang ang Estados Unidos nga adunay bag-ong nuclear strategy nga giingong nagpaubos sa threshold alang sa paggamit sa nuclear weapons.
Gikatakdang ipahigayon sa Estados Unidos ug South Korea ang Ulchi Freedom Shield military drills sugod karong adlawa Agosto 17 hangtod 27, 2026. Lakip sa mga pagbansay ang pakigbatok sa drone threats, GPS disruption ug cyberattacks.
Photo Courtesy: AL Arabia
