Gisugdan sa mga opisyal sa Japanese Foreign Ministry ang paggamit sa ilang personal nga social media accounts ubos sa ilang kaugalingong mga ngalan aron mabatookan ang mga misinformation nga mikaylap online.
Ang maong lakang gisugdan human naapektuhan ang usa ka proyekto sa Japan International Cooperation Agency (JICA) nga nagtumong sa pagpalig-on sa cultural exchange tali sa Japan ug Africa. Napugos ang JICA sa paghunong sa proyekto human mikaylap ang sayop nga impormasyon nga kini kuno mahimong mosangpot sa pagsaka sa immigration ngadto sa Japan.
Pinaagi sa social media, gipasabot sa mga opisyal ang tinuod nga tumong ug benepisyo sa mga programa sa gobyerno, lakip ang Japan-Africa Youth Program.
Tumong niini nga mas dali nga mahatagan ang publiko og tukma nga impormasyon ug mapugngan ang dugang nga pagkaylap sa misinformation.
Photo courtesy: PNA
