Arestado ang usa ka druiver human kining nasakmitan ug shabu sa gipahigayon nga drug buy-bust operation sa kapulisan sa Purok Busay, Brgy. Sinonoc, Dapitan City, Zamboanga Del Norte. Wala na hinganli ang dinakpan, 40-anyos, minyo ug residente sa Purok Nangka sa susamang barangay ug nalista isip street level individual sa drugs watchlist.
Nasakmit atol sa maong operasyon ang 2 ka gramos sa shabu nga nagkantidad ug Php13,600.00. Gilunsad ang maong operasyon pinaagi sa Dapitan City Police Station hinungdan sa malampusong pagkasikop niini.
Balhog sa prisuhan ang dinakpan ug mag-atubang sa kasong paglapas sa RA 9165 kon Comprehensive Dangerous Drugs act of 2002 samtang ang mga nakumpiska nga mga ebidensya giturnover ngadto sa Zamboanga del Norte Police Provincial Office alang sa eksaminasyon.
Photo Courtesy: Dapitan CPS
