Nakab-ot sa usa ka Polish ultra-swimmer Bartłomiej Kubkowski ang pinakagrabe nga endurance challenge human niyang gilangoy ang mokabat sa 160 kilometros tabok sa Baltic Sea, gikan sa Kåseberga, Sweden, paingon sa Dziwnów, Poland.
Sulod sa 55 oras ug 10 minuto walay hunong siyang mikabat ug mipadayon bisan giatubang ang bugnaw nga tubig, kusog nga balod, kusog nga current ug grabeng kakapoy. Gipugngan niya ang katulgon ug kakapoy samtang nagpadayon sa paglangoy nga walay tulog o pahulay.
Paglabay sa mga 40 ka oras nagsugod siyang makasinati og hallucinations tungod sa grabeng kakapoy ug sleep deprivation. Apan imbes nga mosurender gipadayon niya ang pakigbisog ug malampuson nga naabot ang baybayon sa Poland.
Kini ang ikalimang pagsulay ni Kubkowski human mapakyas sa upat ka miaging attempts sulod sa lima ka tuig. Gihimo usab niya ang maong challenge aron makatigom og pondo alang sa Cancer Fighters Foundation, diin hapit $190,00 ang gikatahong nalikom para sa mga batang nakigbisog batok sa kanser.
Photo Courtesy: IGNITE YOUR MIND
