Gipuntirya nga magsugod sulod sa tulo hangtod lima ka tuig ang site development sa Pax Silica AI Hub sa Central Luzon. Matud sa Bases Conversion and Development Authority, unang 500 ektarya sa 1,620-hectare nga lugar ang paandamon alang sa proyekto.
Gilauman nga mahimong fully operational ang hub sulod sa 30 ka tuig ug makatabang sa pagdugang sa exports sa Pilipinas ngadto sa 200 bilyong dolyar. Tumong sa proyekto nga himuon ang Pilipinas nga usa sa mga sentro sa AI ug semiconductor industry, diin mas daghang kompanya ang mahimong mamuhunan sa nasud.
Gipatin-aw usab sa BCDA nga dili tukuron dinhi ang dagkong data centers nga nagsilbi sa global clients. Ang mga pasilidad alang sa data processing, kung matukod man, panginahanglanon lamang sa mga semiconductor companies nga mamuhunan sa lugar.
Matud sa Department of Trade and Industry, apil ang Pilipinas sa Pax Silica coalition nga gilangkuban sa mga 23 ka nasod, aron mapalambo ang industriya sa semiconductors ug madugangan ang bili sa mga mineral nga ginama ug ginabaligya sa nasud.
Photo Courtesy: RTVM
