Nagpadala ang Indonesia og mga eroplano ug gatosan ka bombero aron mapalong ang dakong sunog sa Mount Bromo, sulod sa Bromo Tengger Semeru National Park sa East Java. Anaa sa 176 ka ektarya ang nasunog, busa temporaryong gisirhan ang parke. Gigamit usab ang mga helicopter, drone, ug firebreak aron mapugngan ang pagkaylap sa kalayo.
Lisod ang pagpalong sa sunog tungod sa titip ug lisod maabot nga mga bakilid sa bulkan. Samtang nagpadayon ang sunog sa Bromo, adunay ubang sunog nga mitungha sa Central ug West Java tungod sa uga nga panahon ug paglimpyo sa yuta.
Sumala sa mga awtoridad, ang kusog nga hangin ug uga nga mga tanom nagpadali sa pagkaylap sa sunog. Ang El Niño ug uga nga hangin gikan sa Australia nakadugang usab sa peligro sa sunog sa Indonesia. Ang mga sunog sa Sumatra ug Borneo usahay makapahinabo og makadaot nga aso nga mokatap sa Southeast Asia.
Photo courtesy:jnews.az
