Arestao Ahora Canda Sahlimar Morandarte Sawadjaan, 28 Anios Casao Un Video Editor Des Del Barangay Tumaga Y Si Mark Anthony Quitoy Fernandez, 34 Anios El Edad Un Cusinero Des Del Barangay Camino Nuevo, Este Despues Puede Confisca Na De Estos Posesyon El Allegao Seco Ojas De Marijuana, Durante El Buy-Bust Operation Que Ya Conduci Na Fermin Drive Baranga Camino Nuevo.
Mientrastanto El Mencionao Exito Operasyon Este Es Pormedio Na Dedicasyon Del De Atun Otoridad Para Puede Previni El Proliferasyon De Este Na Comunidad, Y Ya Encabesa Mismo Con El Operasyon El Combinao Fuersa Del City Intelligence Unit Zamboanga City Police Office Junto Con El Cis Team Del Police Station 11 Central, Y Mas Omenos 2 Gramo Del Allegao Seco Ojas De Marijuana Tene El Estimao Cantidad Valor De 240 Peso.
Ademas El Confiscao Evidencia Ya Entrega Ya Na Zambaonga City Forensic Unit 9 Para Na Examinasyon Y El Maga Suspechao Na Custodia Ya Tambien Del Police Station 11 Central, Y Esperansa Imprenta El Propio Caso Na Piscaliya Por El Violasyon Del Acto Republica 9165 O El Se Llama The Comprehensive Dangerous Drugs Act Of 2002.
