Gipakusgan sa 9th Regional Community Defense Group (9RCDG) ang ilang Reserve Force aron masiguro nga andam kini sa pag-atubang sa mga emerhensya ug kalamidad.
Matod ni Arnold Gasalatan, ang Reserve Force Development Program sa Armed Forces of the Philippines nagsilbing base of expansion sa pwersa panahon sa mga dili malikayan nga sitwasyon sama sa kalamidad ug uban pang emerhensya.
Gipasabot niya nga padayon nga gina-equip ug gina-train ang mga reservists sa Zamboanga Sibugay ug sa tibuok sakop sa 9RCDG aron mapalig-on ang ilang kapasidad sa paghatag og Humanitarian Assistance and Disaster Response (HADR).
Tumong sa maong programa nga masiguro nga andam ug epektibong makatabang ang mga reservists sa mga komunidad ilabina panahon sa kalamidad ug krisis.
Padayon usab ang AFP sa pagpalambo sa kahibalo ug kahimtang sa mga reservists isip kabahin sa paglig-on sa disaster preparedness ug public service sa rehiyon.
