Dead on arrival sa ospital ang usa ka lalaking negosyante human gipusil sa riding-in-tandem kapin kon kulang alas 8:36 kagabie Hunyo 24, 2026 Capitol Avenue, Purok Bayanihan, Igot, Estaka, Dipolog City. Ang biktima nga 34-anyos, tag-iya sa Zacks Grill House nga nahimutang sa nasangpit nga dapit.
Sa inisyal nga imbestigasyon sa Dipolog City Police Station, naglingkod atubangan sa maong Grill House, kalit nga pusil sa wala pa mailang riding in tandem nga sakay sa XRM nga motorsiklo color itom.
Gidali pagdala ang biktima ngadto sa Zamboanga del Norte Medical Center apan gideklarar nga dead on arrival sa nag-atiman nga doctor.
Sa karon, padayon nga gipalawman ang imbestigasyon sa kapulisan alang sa posibleng pag-ila sa mga mamumuno samtang nakig-alayon usab kini sa mga kasikbit nga mga estasyon sa kapulisan alang sa dugang impormasyon.
