Duha ka kusog nga linog ang sunod-sunod nga miigo sa Venezuela niadtong Hunyo 24, 2026, nga maoy hinungdan sa dakong kadaot sa kabtangan ug pagkawala sa daghang kinabuhi sa nasud.
Sumala sa United States Geological Survey, ang unang linog adunay magnitude nga 7.1 ug gisundan dayon sa mas kusog nga magnitude 7.5 sulod lamang sa usa ka minuto. Ang sentro sa linog nahimutang duol sa Morón sa estado sa Carabobo.
Tungod sa kakusog sa linog, daghang mga estraktura ang nangaguba lakip na ang pipila ka tag-as nga establisemento sa Caracas. Samtang liboan ka mga residente ang migawas sa ilang mga panimalay ug opisina aron makalikay sa peligro.
Apektado usab ang Maiquetía International Airport diin temporaryong gisuspinde ang mga biyahe sa eroplano, samtang adunay dagkong problema sa kuryente ug komunikasyon sa nagkalain-laing bahin sa maong nasud.
Photo Courtesy: Marca
