Giaprubahan sa Provincial Disaster Risk Reduction and Management Council (PDRRMC) sa Davao del Sur ang paggamit sa Quick Response Fund nga mokabat og dos milyones ka pesos aron itabang sa mga lungsod nga grabeng naapektuhan sa magnitude 7.8 nga linog niadtong Hunyo 8, 2026.
Base sa resolusyon, tag-₱1 milyon ang ihatag sa mga lungsod sa Jose Abad Santos ug Sarangani sa Davao Occidental nga ubos karon sa state of calamity.
Matud pa sa konseho, ang pondo gamiton aron mapalig-on ang mga programa sa disaster response ug recovery sa maong mga lugar.
Ang maong resolusyon gipirmahan ni Governor Yvonne Rona Cagas isip Chairperson sa PDRRMC ug gisumite sa Sangguniang Panlalawigan alang sa hustong pag-apruba ug aksyon.
Photo Courtesy: PDRRMO DAVSUR
