Gipakita sa usa ka Finnish adventurer nga si Lukas Sjöman ang iyang solar-powered nga bangka nga gitawag og Helios 11, human sa 200 ka adlaw nga pagtukod niini.
Ang maong bangka dili mogamit og gasolina o diesel tungod kay kini naputos sa mga solar panel nga maoy naghatag og enerhiya pinaagi sa kahayag sa adlaw.
Sumala kang Sjöman, ang Helios 11 gidisenyo alang sa taas nga pagbiyahe sa kadagatan nga dili na kinahanglan mag-refuel samtang adunay igo nga kahayag sa adlaw aron makapadayon sa pag-charge sa mga baterya niini.
Bisan adunay mga limitasyon sama sa daotang panahon ug kakulang sa kahayag sa adlaw, gituohang usa kini ka dakong lakang sa paggamit sa limpyo ug malungtarong teknolohiya alang sa transportasyon sa tubig.
Photo Courtesy: Luxury Launches
