Giplanohan karon sa Department of Agriculture (DA) ang pag-apod-apod og P2.6 milyones nga kantidad sa mga materyales sa pagpananom og ube ngadto sa mga mag-uuma sa Bohol ug Leyte.
Matud pa, kini nahitabo human gihulagway sa Department of Trade and Industry (DTI) ang ube isip nag-unang export sa Pilipinas.
Segon ni Glenn Panganiban, Direktor sa Bureau of Plant Industry (BPI) nga sigurohon nila ang pagpahimulos niini nga oportunidad alang sa mga mag-uuma tungod kay mosuporta sa ekonomiya ang pagpataas sa produksiyon sa ube sa nasud sa Pilipinas.
Mahinumdoman nga nakakuha og pagdani sa North America, Europe, ug uban pang bahin sa Asia ang mga produkto nga adunay ube, sama sa ice cream, pastry, ug mga ilimnon.
Photo Courtesy:Philippine News Agency
