Gipahimangnoan sa Bureau of Customs (BOC) ang mga importer ug ingon man mga consignee nga atimanon dayon ang mga dokumento sa ilang kargamento aron dili kini mausik.
Giluwat sa BOC ang pahimangno nunot sa pag-inspeksyon sa Manila International Container Port diin 26 ka containers sa red onions ang giabandonar ug nangadunot.
Tungod niini, gipaspasan ni Customs Commissioner Ariel Nepomuceno ang pagproseso sa mga clearances alang sa mga imported nga produkto, ilabi na ang mga kargamento nga daling madunot.
Kini aron maseguro nga maproseso dayon ang mga dokumento ug mabayran ang mga imported nga mga produkto.
Una nang nipagawas og memorandum si Nepomuceno kalabot sa maong isyu, diin gihimug-atan sa opisyal nga dili angayang malangan ang pagproseso sa pagpagawas sa mga produkto.
Kini aron usab mahawan ang pantalan ug malikayan ang paghuot sa pantalan, gawas sa pagkausik sa mga produkto nga nagtapok na lang inay mapahimuslan.
Photo courtesy: Wikipedia
