Halos tanang Local Government Units (LGUs) sa Zamboanga del Sur, ang naparehistro na sa KaSSSangga Coverage Program sa Social Security System (SSS) Pagadian Branch karong tuiga.
Sumala ni SSS Pagadian Branch Manager Edwin Remoto, daghang nang mga munisipalidad ang misanong sa maong programa diin kasamtangan nila nga gipaningkamutan nga magparehistro ang mga JOs ug casual employees.
Segon ni Remoto, ang programa nagtumong sa paghatag og social security protection ngadto sa mga Job Order ug Contract of Service workers nga dili sakop sa GSIS pinaagi sa ilang pagparehistro isip self-employed members sa SSS.
Pinaagi matud pa sa maong programa, ang mga miyembro mahimong kwalipikado sa mga benepisyo sama sa sickness, maternity, disability, retirement, death ug funeral benefits, lakip na ang mga loan privileges, basta makatuman sa gikinahanglang kontribusyon.
Gawas sa mga LGU, nagpadayon usab ang SSS sa pagpalapad sa KaSSSangga Coverage Program pinaagi sa pakigtambayayong sa ubang ahensya sa gobyerno aron mas daghang Job Order ug Contract of Service workers ang mahatagan og social security protection.
