JERUSALEM PAKYAS SA PAGDEPENSA SA WBC MINIMUMWEIGHT CROWN REMATCH

Napukan ang garbo sa Bukidnon nga si Melvin Jerusalem human mapildi sa iyang rematch batok ni Siyakholwa Kuse didto sa South Africa kagahapon Dominggo.

Nakuha ni Kuse ang WBC minimumweight world title pinaagi sa unanimous decision.
Bisan pa man napatumba ni Jerusalem si Kuse sa ika-onseng round, nakontrolar gihapon sa South African ang dula tungod sa dakong gisi sa wala nga mata sa Pinoy boxer.

Tungod niini, si Pedro Taduran na lang ang nahabilin nga world boxing champion sa Pilipinas

Subay sa report, nalisdan si Jerusalem human makaangkon og lawom nga gisi sa iyang wala nga mata tungod sa aksidenteng headclash sa sayong bahin sa dula.

Gigamit ni Kuse ang iyang reach advantage aron sigehan og patid ang maong samad.
Pabor sa South African ang scorecards sa tulo ka hurado sa iskor nga 116-111, 116-112, ug 115-112.

Photo Courtesy: wbc