Nanawagan ang grupo nga nagsuporta sa mga biktima sa extra-judicial killings (EJKs) kang Senador Ronald Dela Rosa nga mosurender.
Kasamtangang nag-atubang ang senador sa warrant of arrest gikan sa International Criminal Court (ICC), human gitumbok nga co-perpetrator ni kanhi Presidente Rodrigo Duterte sa kasong crimes against humanity.
Matod sa grupong Project Paghilom, ang pagbiya ni dela Rosa sa kustodiya sa Senado sayo sa buntag sa Huwebes usa ka tataw nga pagsulay sa pag-ikyas sa responsibilidad ubos sa balaod.
Si Project Paghilom coordinator Randy Delos Santos niinsister nga kinahanglang atubangon ni Dela Rosa ang kaso batok kaniya. Matod niya nga kaniadto isog ug determinado ang senador nga iya kining atubangon, apan karon nganong morag nausab ang iyang baruganan?
Kahinumduman nga si Acting Senate Sergeant-at-Arms Mao Aplasca niingon kaniadto nga nihangyo si dela Rosa nga ipaubos siya sa kustodiya sa Philippine National Police (PNP), butang nga gisupak sa kampo sa mga biktima sa drug war.
Photo Courtesy: ABS-CBN
