Gihatagan na og opisyal nga stage assignments ang duha ka garbo sa P-pop nga SB19 ug BINI alang sa gipaabot nga Summer Sonic 2026 didto sa Japan.
Naka-schedule ang SB19 nga mopasundayag karong Agosto 15 sa Pacific Stage didto sa Chiba leg, diin makauban nila ang pipila ka sikat nga Japanese acts sama ni Kento Nakajima ug ang grupong Generations.
Mosunod sab ang Nation’s Girl Group nga BINI kinsa moarangkada sa Mountain Stage sa Osaka karong Agosto 14, ug mobalik na sab sa Chiba karong Agosto 16.
Nasayran nga bisan pwerteng busyha sa BINI para sa ilang “Signals” world tour, ilaha gihapong isingit ang Japan sa tunga-tunga sa ilang mga concert sa San Diego ug Vancouver.
Mapasigarbuhon usab ang SB19 tungod kay gikan sa ilang Summer Sonic stint, molarga gilayon sila paingon sa Chicago para sa Lollapalooza, ang labing unang higayon nga naay purong Pinoy act nga maka-perform sa maong prestihiyosong music festival.
Nagpaila lang gyud kini nga ang P-pop world-class na gyud ug padayon nga nag-una sa global stage karong 2026.
Photo Courtesy: Mega
