Nagpagawas og pahayag ang Kapamilya actress nga si Bela Padilla aron klaruhon nga walay kalabutan sa iyang personal nga baruganan ang politikal nga kaalyado sa iyang uncle nga si Robin Padilla.
Kini human adunay nagkadaiyang reaksyon gikan sa netizens sa pag-apil ni Robin Padilla sa cast sa primetime series nga “Blood vs Duty.”
Matud ni Bela, lahi sila og ideolohiya apan nagtinahuray gihapon sila isip pamilya. Gipatin-aw usab niya nga wala siyay labot sa pag-cast sa iyang uncle sa serye kay desisyon kini sa mga producers.
Dugang pa sa actress, independente ang iyang mga desisyon, prinsipyo, ug pagtuo bisan pa man og magkadugo sila ni Robin Padilla.
Photo Courtesy: TMDB
