Gibaligya sa usa ka luxury fashion brand ang talagsaong disenyo sa sinina nga nakapukaw sa atensyon ug diskusyon sa online world tungod kay aduna kini marka nga nasunog sa plantsa apan mahal ang presyo.
Ang maong luxury fashion brand gitawag nga Vetements nagpagawas og polo nga gitawag og “White Ironing Burn Graphic Shirt,” nga adunay graphic nga marka sa sunog sa tunga sa dughan aron tan-awon nga daw aksidenteng nasunog sa plantsa.
Dili basta-basta ang presyo niini tungod kay gibaligya ang maong sinina sa $1,139 o kapin ₱66,000. Sumala sa brand, desenyo sa sinina gituyo nga adunay scorch-like graphic aron ipakita ang lahi ug artistic nga estilo sa modernong fashion.
Apan dali kining mikatap sa social media ug giulan og lain-laing reaksyon gikan sa mga netizens. Adunay uban nga gisaway nga dali ra kini himoon sa libre sa pamaagi sa pagsunog gamit ang plantsa, samtang ang uban nag-ingon nga pareho ra kini sa mga sinina nga nagtapun-og sa laundry basket.
luyo pa man sa maong hisgotanan, sa grabeng pagbatikos ug negatibong reaksyon nagtawag sa produkto nga “overpriced” ug dili makatarunganon ang presyo. Matod sa pipila ka kritiko, nagpakita kini nga lahi ang fashion world diin adunay mga tawo nga andam mobayad og mahal aron maangkon ang talagsaong estilo.
Photo Courtesy: TOP 10S
