Gipanghambog ni Presidente Vladimir Putin ang malampusong pagsulay sa Burevestnik cruise missile, usa ka nukleyar nga hinagiban nga giingong makalikay sa mga langyaw nga anti-missile ug anti-aircraft defense system.
Ang missile test nahitabo pipila ka adlaw human sa wala madayon nga miting tali ni Putin ug Presidente Donald Trump sa Estados Unidos, nga gituyo aron hisgutan ang mga isyu sa seguridad sa rehiyon.
Ang kalampusan sa missile test nag-aghat sa Estados Unidos sa pagpahamtang og bag-ong silot sa daghang dagkong kompanya sa lana sa Russia, isip tubag sa padayon nga agresibo nga pag-uswag sa militar sa Kremlin.
Sumala ni Chief General Valery Gerasimov sa Russian Armed Forces, ang Burevestnik missile nagpabilin sa hangin sulod sa 15 ka oras ug milupad og 14,000 kilometros.
Gidugang ni Gerasimov nga ang missile adunay abilidad sa paglikay sa mga advanced detection system, nga posibleng makahatag sa Russia og “strategic advantage” sa natad sa long-range warfare.
Samtang, miingon si Putin nga ang ilang mga eksperto sa depensa nagpadayon sa pagtuon sa sunod nga mga lakang, lakip na ang paggamit ug pagtukod sa imprastraktura nga gikinahanglan alang sa paglansad sa missile.
via: THE MOSCOW TIMES
