Gikumpirma sa Natural Science Institute of Iceland ang pagkadiskubre sa tulo ka lamok sa natural nga palibot sa maong nasud usa ka kasaysayanong hitabo kay ang Iceland maoy katapusan nga nasud sa kalibutan nga walay lamok sukad kaniadto. Ang maong species naila nga Culiseta annulata, nga gituohang naka-abot pinaagi sa kargamento ug nakasugakod sa bugnaw nga klima sa Iceland.
Ang maong lamok unang nakit-an sa usa ka uma sa Kjós, amihanang bahin sa Reykjavík, ni entomologist Björn Hjaltason, nga dayon niini gitugyan sa mga awtoridad aron masusi. Matod sa institute, ang pagsulod sa lamok posibleng may kalabutan sa pag-init sa klima ug pagtaas sa international transportasyon.
Sa pagkakaron, Antarctica na lamang ang bugtong teritoryo nga walay lamok sa tibuok kalibutan. Bisan pa sa presensya sa lamok, klaro sa mga eksperto nga ang Culiseta annulata dili makadala og sakit, ug kasagaran lang samok apan dili hulga sa kahimsog.
Photo courtesy:-Hjaltason, Icelandic broadcaster sa RUV
