Gisaway ni House Assistant Minority Leader ug Gabriela Women’s Party Rep. Sarah Elago ang pag-abswelto sa Sandiganbayan Third Division kang Chief Presidential Legal Counsel Juan Ponce Enrile, ang iyang kanhi chief of staff nga si Atty. Gigi Reyes, ug Janet Lim-Napoles sa 15 ka ihap sa mga kaso sa graft nga may kalabotan sa Priority Development Assistance Fund (PDAF) scam.
Giinsiter ni Elago kini ang nawong sa dunot nga hustisya sa Pilipinas diin ang mga gamhanan makalikay sa tulubagon.
Sumala ni Elago, ang hukom sa Sandiganbayan usa ka mensahe sa mga nangawat sa panudlanan sa publiko nga maghulat lang og pipila ka tuig ug sila usab makalingkawas niini.
Giinsistir ni Elago nga ang Priority Development Assistance Fund scam kaniadto walay kalainan sa flood control scam karon, nga mao ra gihapon ang sistema sa korapsyon ug ang parehas nga klase sa pagpangawat.
Hinungdan nga giawhag ni Elago ang mga tawo nga dili magpakahilom ug ipadayon ang pagpalapad sa umaabot nga mga aksyon protesta batok sa kaylap nga korapsyon sa nasud.
Photo Courtesy to:Gabriela Women’s Party fb page
