Gipahigayon ang Simulation Exercise (SIMEX) sa Surigao City Airport kalabot sa Earthquake ug Tsunami Drill, kagahapon sa buntag. Gisalmutan kini sa mga kawani, estudyante, ug mga enforcers aron palig-onon ang kahibalo ug ka-andam sa panahon sa emerhensiya.
Ang kalihokan gipangunahan sa Surigao City Disaster Risk Reduction and Management Office (CDRRMO) uban sa kaabag sa PNP-Aviation Security Group, Bureau of Fire Protection (BFP), ug Philippine Coast Guard (PCG).
Gipadayag ni PCAPT ALVIN PALER BONCAROS, OFFICER-IN-CHARGE, AVIATION SECURITY GROUP – AIRPORT POLICE ang kamahinungdanon sa maong SIMEX. Gi-awhag ang publiko nga magpabiling alerto ug mosunod sa mga sugyot sa mga otoridad aron malikayan ang kadaot ug kalit nga katalagman.
