Sugdan karong adlawa Oktobre 22, 2025 ang gipaabot nga 2025-2026 NBA season. Sa unang adlaw, upat ka dagkong teams, tanan gikan sa western conference, gikatakdang mag-atbang.
Ang 2025 NBA champion Oklahoma City Thunder makigsangka sa No. 2 seed sa West, Houston Rockets. Kini sundan sa duha ka bug-at nga paborito, ang Los Angeles Lakers ug ang Golden State Warriors.
Base sa eskedyul nga gipagawas sa liga, ang regular season molungtad hangtod sa Abril 12. Sa maong adlaw, ang tanang 30 ka NBA teams gikatakdang moduwa. Ang NBA Play-In Tournament magsugod sa Abril 14 ngadto sa 17 samtang ang NBA Playoffs magsugod usab sa Abril 18.
Ang 2026 NBA All-Star break gikatakda gikan sa Pebrero 13 hangtod 15 sa Los Angeles California. Isip kabahin sa regular nga mga duwa karong tuiga, lain-laing mga teams ang gikatakdang moduwa sa gawas sa nasud.
Naglakip kini sa Germany, UK, ug Mexico. Sa miaging season, ang Oklahoma City Thunder maoy nakoronahan nga kampiyon human gipildi ang Indiana Pacers sulod sa pito ka duwa.
via: NBA
