Miabante si Carlos Yulo sa finals sa men’s vault ug floor exercise sa 53rd FIG Artistic Gymnastics World Championships nga gipahigayon sa Jakarta, Indonesia. Si Yulo adunay average score nga 14.750 puntos sa Subdivision 7 sa vault event.
Moabot sa 476 ka mga atleta gikan sa 76 ka nasod ang misalmot. Sa iyang unang vault, nitala siya og 14.90 puntos ug sa iyang ikaduhang pagsuway, aduna siyay 14.600 puntos, nga nakadayeg sa mga tumatan-aw.
Si Arthur Davtyan sa Armenia maoy ikaduha nga adunay 14.566 samtang si Nathan Chepurnyi sa Ukraine maoy ikatulo nga adunay 14.316.
Sa laing event, floor exercise, nabutang kini sa ikaduha nga may 14.560 puntos, diin ang Filipino-British gymnast nga si Jake Jarman maoy nakakuha sa kadaugan samtang si Kameron Nelson maoy ikatulo.
Si Yulo aduna nay igong panahon sa pagginhawa sa dili pa mosangka sa floor finals sa Biyernes samtang ang vault event finals sa Sabado.
via: GAP photo
