Daling gidala sa ospital ang tulo ka mga estudyante ug usa ka ginang human kini aksidente nga nadasmagan sa usa ka Toyota Vios color itom sa may Purok 1, Motosawa, Dumalinao, Zamboanga del Sur, Oktubre 20, 2025.
Ang mga biktima naila nga sila si Janet Espinosa Fuerzas, Jay-an Tulabing Aninion, Lynazel Sugabo Arcales, mga studyante,ug Evelyn Siso puros mga lumolupyu sa nasangpit nga lugar samtang ang sakyanan gimaneho sa usa ka myembro sa Philippine Army.
Sa nakuhang kasayuran sa Juander Radyo News Team, ang mga biktima anaa lang kilid sa dalan ug paingon na unta sa eskwelahan apan kalit silang nabanggaan sa nagpadulong nga Toyota Vios.
Gikataho sa sakay sa Toyota Vios, sila nagbyahe gikan sa Kabasalan, Zamboanga Sibugay paingon sa lungsod sa Labangan apan gumikan sa kakusog sa dagan sa kasugat nilang sakyanan sila unta milikay hinungdan sila napaingon sa nahimutangan sa mga biktima.
Dali nga miresponde ang mga kapulisan ug MDRRMO personnel aron matabangan ang mga biktima sa pagdala sa balay tambalanan diin gikuyugan ra usab sa driver sa Vios.
