Nagpahayag og kabalaka ang mga mananagat sa Venezuela tungod sa sunod-sunod nga mga pag-atake sa mga barko sa US forces nga nagdala og ilegal nga droga sa Caribbean Sea.
Sukad sa miaging buwan, adunay unom ka operasyon nga gihimo sa US, diin naglunsad kini og airstrike sa mga barko nga nagdala og droga. Sa mga insidente, 27 na ka tawo ang napatay samtang naa sa mga apektadong barko.
Gipahigayon sa US forces ang mga patrol sa Caribbean Sea isip kabahin sa ilang military operation nga nagtinguha sa pagdakop ug pagsumpo sa mga “narco-terrorist” nga konektado sa administrasyon ni Venezuelan President Nicolas Maduro.
Mas misamot ang tensiyon tali sa US ug Venezuela human sa pagpasidaan ni US President Donald Trump nga posible nilang buhaton ang usa ka pag-atake sa Venezuela.
Ang kahimtang nagpabiling delikado samtang nagpadayon ang mga operasyon ug naghatag og hulga sa mga sibilyan, labi na ang mga mananagat nga naapektuhan sa kalihokan sa dagat.
Photo courtesy to: Politics and War Wiki- Fandom
