Giklaro ni Senador Imee Marcos nga daghan sa mga Flood Control Projects sa Unified Project Management Office (UPMO) nga ghost projects. Ang senador nibutyag niini ngadto sa bag-ong Department of Public Works and Highways (DPWH) Secretary Vince Dizon.
Matud pa ni Marcos nga dul-an sa P1 trilyon ang nagasto sa mga foreign-assisted flood control projects sa niaging 10 ka tuig, apan hangtod karon wa pa gyuy klarong resulta.Gisaway sa Senador ang ahensya tungod sa kakuwang sa klaro ug hapsay nga listahan sa mga proyekto, ilabi na sa mga dagkong suba ug coastal areas nga dugay nang nagdawatan og pundo.
Dugang pa ni Marcos nga ang mga proyekto nga gitabangan sa mga langyaw daw mibulusok ngadto sa P16 bilyones sa 2025 General Appropriations Act (GAA) gikan sa kanhi P9 bilyones. Dugay na nga gipangayo sa magbabalaod ang kompletong accomplishment report sa ahensya apan wala pa gihapon kini mahatag sa hingpit.
Gikwestiyon usab sa senador ang kaepektibo sa mga flood control projects bisan pa sa kadako sa pundo. Bisan pa sa binilyon nga nagasto, matod niya, nganong gibahaan gihapon ang Metro Manila? Agig tubag, si Marcos naglatid og solusyon aron mahunong ang pag-usik-usik sa pundo.
Photo courtesy to:PNA
