Miangkon ang Filipino-Canadian actor nga si Manny Jacinto, nga naila sa daghang International nga pelikula ug serye, nga wala gyud niya damha nga mosulod siya sa industriya sa Showbiz.
Sa iyang interbyu sa Fast Talk with Boy Abunda, gisaysay ni Jacinto nga gikan sa usa ka pamilya nga mas nakatutok sa edukasyon, ug wala gyud siya magsugod sa plano nga mahimong aktor. Apan tungod sa iyang hilig sa pagsayaw ug sining, nakakaplag siya og kumpyansa nga mosulod sa auditions hangtod nga nadiskubrehan ang iyang talento.
Ang aktor naila sa iyang papel sa hit US comedy series nga The Good Place ug sa pelikulang Top Gun: Maverick. Karong panahona, padayon siyang nagdawat og daghang oportunidad sa Hollywood, nga naghatag inspirasyon sa mga kabatan-onan nga mosunod sa ilang damgo bisan unsa pa ang background.
Photo courtesy to:NBC News
