Arestado ang usa ka lalaki nga nagpakaron-ingnon nga security officer nga mitambong sa memorial service sa namatay nga American vlogger nga si Charlie Kirk.
Nailhan ang suspetsado nga si Joshua Runkles nga nasuta nga misulod sa National Football League (NFL) stadium nga nagdala og pusil ug kutsilyo. Migamit pa ang suspetsado og peke nga ID ug chapa sa pulis ug nag-angkon nga siya usa ka security officer.
Base sa imbestigasyon sa Turning Point USA (TPUSA) authorities, napamatud-an nga ang suspetsado motambong unta sa memorial service apan wala kini nakigkoordinar sa mga otoridad ug sa US Secret Service.
Ang suspetsado karon nag-atubang sa kaso nga “Felony” tungod sa nagpakarong-ingnon isip usa ka opisyal nga pulis ug “illegal possession of firearms” tungod sa pagdala og armas sa maong lugar.
Photo courtesy to: Fox News
