Giila ang dakbayan sa Tandag isip Consistent Regional Outstanding Winner in Nutrition (CROWN) atol sa gipahigayong Regional Nutrition Awarding Ceremony kagahapong adlawa, Septyembre 19, 2025 nga gipahigayon sa Butuan City.
Gidawat ni City Councilor Gay Geraldine Tan ug City Nutrition Action Officer Mary Joy Galolo, ang maong pasidungog nga mao usab ang nagapanguna sa implementasyon sa mga programa sa nutrisyon sa dakbayan.
Mitambong usab sa seremonya si Jane Cuartero sa Barangay Dagocdoc, finalist sa Regional Barangay Nutrition Scholar (BNS), ug si Rhygy Pude, nutrition program coordinator sa Tandag City.
Ang maong pag-ila nagpakita sa lig-on ug padayon nga paningkamot sa lokal nga panggamhanan sa Tandag aron mapaayo ang kahimsog ug nutrisyon sa katawhan. Pinaagi sa sustenableng mga programa ug epektibong implementasyon sa mga inisyatibo, mas himsog ug lig-on ang komunidad.
Photo courtesy: PIA Surigao del Sur
