Determinado ang grupo sa mga tawo sa India diin nagkahiusa aron makahimo sa labing taas nga human pyramid nga natala sa kasaysayan sa kalibutan, ug kini talagsaon kaayo.
Ang Kokan Nagar Govinda Pathak ug Sanskruti Yuva Pratisthan Trust mao ang nakabungkag sa record pinaagi sa paghimo og 10 ka lebel sa usa ka dagkong pampublikong kalihokan didto sa Thane, Maharashtra niadtong Agosto 16.
Kini nga grupo ang unang nakalagpas sa siyam ka lebel ug nakab-ot gyud ang ikapulo nga lebel. Espesyal ang maong petsa – Dahi Handi – usa ka Hindu nga pista nga nagselebrar sa pagkahimugso ni Krishna.
Sa tradisyon, ang mga komunidad nag-apil sa kompetisyon diin usa ka kaserolang lapok (clay pot) nga puno sa yoghurt, butter, o laing produkto nga gikan sa gatas, ibitay sa taas kaayo. Ang matag team maghimo ug human pyramid aron maabot ug maboak ang maong kaserola.
Ang pyramid nga ilang gihimo niadtong adlawa mibungkag sa dugay nang record nga siyam ka lebel. Sa dugay na nga panahon, India ug Spain ang nag-uban sa paghawid sa titulo, nga nagtinabangay sa pagsulay nga makaabot sa mas taas nga lebel.
Apan karon, bag-ong record ang natala: 14.73 metros (48 ft 3.92 in) ang gitas-on sa ilang human pyramid. Sama sa kataas sama sa three storey building.
Ubos sa suporta sa daghang mga tawo nga andam mosalo kung adunay mahulog, ang grupo mihugpong sa ilang mga bukton, nagporma ug hugot nga sirkulo aron mas lig-on ang matag lebel.
Kini usa ka tin-aw nga ehemplo sa kusog, determinasyon, ug labaw sa tanan panaghiusa.
Photo courtesy to:The Hindu
