Gipangunahan ni Grendhel Lancero, usa sa mga in-charge sa HR, ang Employee’s Sports Fest: Larong Pinoy 2025 isip kabahin sa pagselebrar sa Civil Service Month sa probinsya sa Davao de Oro September 18-19 kasamtangang tuig.
Kabahin ang maong kalihokan sa selebrasyon sa Civil Service Month nga ginasaulog sa tibuok nasud ug adunay upat ka grupo, Team Magiting, Makisig, Mabagsik, ug Team Maliksi nga gisalmutan sa nagkalaing-laing opesina.
Matud ni Lancero ang Davao de Oro, nipahigayon ug sports fest para sa mga empleyado aron mapromote ang mental break, wellness, ug physical fitness.
Dugang pa niya, duha ka adlaw nga gilibri ang mga empleyado sa ilang regular nga trabaho aron makaapil sa mga duwa, isip pamaagi sa pag-promote sa healthy work-life balance. Mga Larong Pinoy nga gipadula:Tumbalata; Patintero; Luksong Tinik / Luksong Baka; Slipper Game Shatik
Nagtinguha ang kalihokan sa pagpabalik sa tradisyonal nga Pinoy games nga makalingaw ug makapalig-on sa teamwork sa mga empleyado sa lokal nga panggamhanan.
