Labing menos 78 ka mga tawo ang namatay ug kapin sa 20 ang nasamdan human sa drone strike sa usaka mosque sa siyudad sa El-Fasher, sa Darfur nga rehiyon sa Sudan.
Sumala sa lokal nga mga awtoridad, ang insidente nahitabo panahon sa pag-ampo sa mosque, hinungdan sa pagsaka sa mga nangamatay, kadaghanan sa mga nangamatay mga sibilyan sulod sa building.
Gibasol dayon sa militar sa Sudan ang pag-atake sa drone sa Rapid Support Forces (RSF), usa ka paramilitar nga grupo nga dugay nang adunay tensyon sa gobyerno.
Ang panagbangi tali sa Sudanese Armed Forces (SAF) ug sa RSF nagpadayon sulod sa kapin sa duha ka tuig, nga nakagamot sa pakigbisog alang sa gahum ug pagkontrol sa nasud.
Bisan pa, ang RSF kusganong nanghimakak sa pagkalambigit niini sa insidente, ang grupo niinsistir nga wala kini naglihok sa lugar sa maong pag-atake.
Ang pinakabag-ong insidente nagpasamot sa nagpadayon nga humanitarian crisis sa Sudan, diin liboan ka mga tawo ang gikataho nga namatay ug milyon-milyon ang napugos sa paglayas sa ilang mga panimalay sukad nga ang panagbangi mibuto niadtong tuig 2023
via: Sudan tribute
