𝐃𝐏𝐖𝐇, 𝐓𝐄𝐌𝐏𝐎𝐑𝐀𝐑𝐘𝐎𝐍𝐆 𝐈𝐏𝐀𝐒𝐈𝐑𝐀𝐃𝐎 𝐀𝐍𝐆 𝐓𝐀𝐆𝐎-𝐆𝐀𝐌𝐔𝐓 𝐁𝐑𝐈𝐃𝐆𝐄 𝐒𝐀 𝐒𝐔𝐑𝐈𝐆𝐀𝐎 𝐃𝐄𝐋 𝐒𝐔𝐑

Gipahibalo sa Department of Public Works and Highways (DPWH) Surigao del Sur 1st District Engineering Office nga temporaryong sirad-an ang Tago-Gamut Bridge (B00701MN) nga nahimutang sa Barangay Gamut, lungsod sa Tago, Surigao del Sur.

Sumala sa gipagawas nga pahibalo nga gipirmahan ni District Engineer Ruel B. Bantugan, MPA, base sa bag-ong structural assessment nga gikinahanglan dayon ang pag repair sa deck slab sa maong tulay, aron masiguro ang kaluwasan sa tanang motorista ug molabay nga mga tawo, dili usa gamiton ang tulay  sugod Setyembre 22 hangtod 30, 2025.

Samtang gisirado pa ang maong tulay, gi-awhag ang mga motorista nga gamiton ang Tago-Lapaz Diversion Road isip alternatibong agianan.

Source: Barangay Purisima